wienkeuningin 11
Chantal
Eine druim dae oetkump
Eine lang verwachte druim is dan eindelik noew oetgekómme. As klein maedje
waerde ich door miene opa en oma euveral mit nao toe genaome waat de
vastelaovend betref. Ich kós ut zo gek neet bedingke en ze ginge mit mich op sjtap.
Toen keek ich al op taege de Wienkeuningin, en zei taege miene opa; ‘Opa, ich wil
later auch zo eine mooie jurk aan’.
In maart kwame Bianca en Anita mich dan eindelik de vraog sjtelle; “Wils doe
dit jaor ós veurgaon als Wienkeuningin 2023/2024?” Hiej hoofde ich netuurlik neet
lang euver nao te dingke, eine dieke jao!!
Dit kin ich neet zónger mien secondantes Nicole, Pascalle en Monique, die mich
gelökkig allemaol wille biejstaon dit jaor.
Vanaaf maart gestart mit alle veurbereidinge. Waat höbbe veer ein
plezeer gehad. Van het ontwerpe van ós jurke, ut make en inzinge van
ós leedje toet ein fantastisch weekend foto’s make in de Eifel.
Toen al ein sjoon kwartet.
Nao maonje van veurpret waas ut in oktober dan eindelik zo ver, ós
oetroope in ein bomvol Moezepelies. Waat höb ich same mit mien
secondantes hiej nao oetgekeke. Veer höbbe van de hele aovend
genaote. Dit waas dan de sjtart van eine super sjoone tied. Helaas
haet miene opa, mien grootste goudsjtuk, dit neet mit moge make,
maar ich weet zeker det der same mit ós toet laat in de uurkes haet
mit gefees! Hae is dan auch ut middelpunt van mien sjpeldje, ein
Witte WWMoes mit ein klavertje veer veur ut gelök.
Sinds november is ós gezelsjap compleet, mien twee prinse zeen
oetgerope. Hiej höbbe veer lang nao oetgeke. Veer höbbe al ein
aantal sjoon feestjes gehad same, woh der gelökkig nog genóg
biej gaon kómme. Veer zeen pas halverwaege dus veer höbbe
nog genóg in ut veuroetzich.
Ich wil ederein bedangke dae mit ós mit zingk, dans en feest!! Bianca en Anita die het vertroewe in mich
höbbe as ein van de veurgéngers van dit jaor. Auch ein dieke dankjewel aan mien secondantes Nicole,
Pascalle en Monique die alles veur mich doon en achter mich sjtaon.
Auch wil ich mien femiliej bedangke diej zórge det ich optimaal kin genete en zo alles meugelik make!
Leef Veldjmuuskes, bedankt det geer mit uch aanwezigheid same mit ós sjoon herinneringe make.
‘Veer gaon veur ut gelök’
Wienkeuningin Chantal
Secondantes Nicole, Pascalle en Monique