24
DRAGERS VAN ‘T GROOTVORSTE KRUUTS
Mia Peters - Moonen †
Jantje Boijen †
Sef Schaefer
Huub Jaspers
Leanne Coumans - Den Helder †
Jozef Burhenne †
Riekie Burhenne
Paul v/d Meeren
Harry Sleven †
Tonny Hendrikx
Jan Ozek
Tilman Schreurs
Jos Balendonck †
Aswin Kwak
Marianna Smitsmans - Burhenne
Pieter Halmans
Nel Schmitz
Mieke Gerits - Mergelsberg
Huub Boesten
Joris van den Bergh
Joep van der Rotten
Jan Lafl eur †
Frits Roumen
Hannie Mestrom
Gerard Nizet
Nol Hofman †
Corrie Mozes
Theo Hermans
Lei Hofkens
Waatse hiej heurs, det zuuse nörges!
Idder jaor gaon de Moezemaedjes in september same op paad. Ein gezellig uitje
wo vaöl dames ut ganse jaor nao oetkieke en waat al ein paar jaor toet in detail
waert georganiseerd door Monique Snijders en Lindsay Eikelenberg.
Dit jaor höbbe veer versjterking gekreege van Denise Beeren waat os organisatie
klubke kompleet haet gemaak. Laot dem noe good zeen in ‘t bedinke van sjoon
sjpelkes, en ós good zeen in ‘t oetveure en oethaole van gekke jen.
Ein gegarandeerd sukses dus…..!
Dit jaor zeen veer neergesjtreeke in Kasterlee, net euver de grens in Belsj.
Echte waereldreizigers, die Moezemaedjes.
Ozze daag begós biej de Breer, wo det iddere auto zien eige roeteplenning kreeg
en middels diverse opdrachte en rebusse op de juuste lokasie zal motte oetkomme.
Veur det veer vertrokke, höbbe veer ozze jaorlikse veurgaenger oetgeroope.
Nancy had de eer zien sjtekske euver te draage en dit jaor waas San de gelökkige!
Ouch höbbe veer dit jaor veur ut eerst in ut grootste geheim eine Mol oetgeroope,
Lindsay moch dees rol op zich naeme.
Aangekomme in ut hoes kreeg idderein de meugelikheid zich aeve te settele én
geliek de eerste opdrach det waas munte zeuke. Denise had dees good verduujd
en oeteindelik eine winnares oetgeroope kos waere. Nao de lunch zeen v’r ‘t dörp
in gegange om get opdrachte oet te veure. Geer kint uch waal bedinke, de teena
ladies woore neet aan te sjleipe!
De traone höbbe os euver de wange geloupe van ‘t lache, op memente vloge v’r
zelfs ech oet de boch!
San kreeg ‘t dr zo heit van det ‘t sjpontaan besjlaot om ongerwaeges in de fontein
te gaon zjwumme. De miense höbbe de uig oetgekeeke!
Nao os opdrachte zeen veer truuk geloupe nao os huuske, woor veer same gekaok
en gegaete höbbe. De kilo’s vlooge dr weer aan! Menig kok waas jaloers op os
kaokkunste!
Nao ‘t aete waas ut tied veur de volgende sjpelkes, ouch die woore fantastisch! ‘t
bleef nog toet laat in de nach onröstig in Kasterlee!
Sjmorges waerde ‘t ontbijt klaor gemaak en höbbe veer nog ein lekker sjtök saame
gewanjeld. De foto’s waerde bekeeke en de punte van de munte waerde geteld,
idderein zoot in sjpanning waem dr noe had gewonne: Michelle Beeren! Ouch de
Mol moch zich ontmaskere. Daonao waas ut tied om truuk te rieje nao t toesfront.
Ein dingk is zeker: Kasterlee zal ‘t bezeuk van de Moezemaedjes neet sjnel
vergaete, en veer höbbe nog lang mooge naogeneete!
L. E.
Anita Balendonck
genomineerd veur ut Grootvorstekruuts
Veurig jaor waerde Lei Hofkens veur zien verdeenste veur de gemeinsjap mit ut Grootvorstekruuts
óngersjeije.
Dit jaor is gekaoze veur ein biejzönjere persoon. Ut is Anita Balendonck veur zien tomeloze inzet veur
de Veldjmuus. Veur Anita is nieks teväöl. Ut sjleijt gein activiteit euver, sjteit biej eige evenemente altied
achter de bónneverkoup en is dao naeve actief biej de keuze van de wienkeuningin en veur de rés
manusje van alles.