sonny II 5
Beste Muuskes,
De meiste van uch zulle mich kinne as eine van De Roerdassen, maar dit jaor zal ich neet op ut podium truuk te vinje zeen as
Roerdas. Dit jaor höb ich namelik de eer om as Prins Sonny II de Veldjmuus veur te gaon. Ich zal michzelf effe aan uch veursjtelle.
Ich bön Sonny Mertens, 35 jaor aad en bön eigenaer van AI automatiseringsbedrief “Supreme Savvy”.
Al vanaaf det ich mich kin herinnere bön ich gek op de vastelaovend. Ut zit mich letterlik in ut blood. Zeker as se geis kieke nao
wieväöl aad-veurgéngers mien familie haet veurtgebrach.
Vreuger wiej ich nog klein waas meinde ich detse lid biej de vereniging mós zeen om prins te waere, maar toen ich d’r achter
kwoom det det neet ut geval waas, begós de druim om ooit nog ins prins te waere te greuje. Woh? Allein biej de muus netuurlik.
Miene opa kump van ut Veldj, zoot vreuger in de raod en ich vinj de Veldjmuus de sjoonste vastelaovesvereniging van Remunj.
Toen ich ein heel aantal jaore geleeje gevraog waerde om prins te waere, waas mien eerste reaksie
dan ouch geliek ‘jao’, maar nao d’r effe good euver naogedach te höbbe, mós ich om versjillende
raeje, mit pien in mien hért, toch nae zegke.
Vanaaf det moment is de wins om ooit nog ins prins te waere allein maar gegreujd. Ouch de
vraog wanneer ich noew prins zou waere, waerde mich sjteeds vaker gesjteld. Toen ich veurig
jaor Tonny taegekwoom, zei ich hem det ich jao zou zegke as se mich nog ins zoude vraoge.
Hae zei det ze ut ginge euverligke. Ongertösse waas miene pap terminaal krank, maar ich
zag mien pap waal “Volgend jaor waer ich prins. Let maar op”. Toen Tonny mich un tiedje
later belde om weer op gesjprek te kómme, waas miene pap helaas al euverleeje en waas
mien anjwaord dan ouch heel duudelik: “Jao netuurlik!” Miene druim waerde werkelikheid.
Helaas is miene pap der neet meer om ut same mit mich mit te make, maar ich weit zeker
det hae ut super sjoon zou vinje en trots op mich is det ich noew dan eindelik prins bön.
Same mit twee gooi kammeräöj van mich, Bas Schuman & Leon Beeren en miene naef,
Maurice Leijendeckers, gaon veer volle bak gaas gaeve en make veer der dit jaor zeker
ein topsezoen van ónger ut mótto, “Haol alles oet ut laeve!”
Ich wins uch allemaol eine sjoone vastelaovend. Alaaf.
ZDH Prins Sonny II
Proklemasie
Veer Sonny de tweede, biej grasiej van ut presidium van VV de Veldjmuus,
Euver de Breer ‘37, in ut 87ste jaor van de Muus, mit goodvinje van
alle vastelaovesgekke die zich ut leefs de titel van Veldjmoes aanmaete,
prins van Remunj Oos en ut biejzönjer van ut Veldj.
• gebaore in ut Moezeriek
• woonachtig in de binnesjtad
• eigeneer van AI automatiseringsbureau ‘Supreme Savvy’
• zoon van Roel Mertens en Joyce Geraedts
• kleinzoon van Jan en Joke Geraedts
• broor van Moan, Joy en Bo
• naef van teentalle aad-veurgéngers in de Remunjse vastelaovend
• ouch naef van eederein dae hem zo aansjprik
• lid en zanger van RVV de Roerdassen
• vastelaovesbeesje vanaaf de gebaorte
• machine in de vastelaovesscene
gaeve hiejbiej te kinne en te versjtaon
Ten eerste: detse van ein pilske neet kins laeve
Ten tweede: detse mós geneete van ut laeve
Ten derde: det ut laeve zich vermenigvuldig door ut te deile
Ten veerde: detse mit gebakke lóch auch neet kins laeve
Ten viefde: detse in ut laeve zelf de sjlingers mós ophange
Ten zesde: det ut laeve neet altied euver roze geit
Ten zevende: det men zaet, druim neet dien laeve,
maar laef diene druim
Ten achtste: detse dien laeve mós belaeve
Ten negende: detse ze maar eine keer laefs
Ten teende: want doe euverlaefs ut toch neet
Ten ellefde: det as geer mich taegekómp
‘Haol alles oet ut laeve!’
so
en as ze ut good duis is eine keer genóg
detse ut laeve neet te serieus mós naeme,
miene sjpreuk mót roope, oetbeelde of belaeve