dean II 7
Aeve neet balle, maar knalle!!
Miene naam is Dean Kempen, bin net 1x11 gewaore, dus ein baeter moment is der
neet om prins te waere. Ich zit in groep 7 op de Montessori samen mit miene adjudant
en beste kammeraod Bowie Kingma oet Neel. Mien twee angere Adjes zeen
mien leef vriendinneke Daelyn oet Melick en häör kleine breurke, miene mini-kammeroad
kam-
Proklemasie
Veer Dean de Tweede van VV de Veldjmuus Euver de Breer
• Gebaore in ut Katerriek Neel
• Laef in mien ellefde laevesjaor
• Woonachtig tösse de Veldjmoeze naeve ut EMS terrein
• Zoon van Theo & Angie
• Breurke van Laura en Ryan
• Kleinzoon van Pieter vanne Fietsemaeker en Inge van baove oppe mienwaeg
• Vastelaovesfanaat
• Grote dierevrundj
• Sjolier óppe Montessori in Remunj
• Fervent gamer
• Fanatieke voetballer bie Leeve Remunj
gaeve hiejbie te kinne en te versjtaon
Ten eerste: det veer same vastelaovend viere
Ten tweede: det eederein zien eigen shirt moog drage
Ten derde: det nemes boetesjpel sjteit
Ten veerde: det dae ut beste sjpringk ein rood-gael-greun kaart krieg
Ten viefde: det ze vastelaovend pas zuus asse ut door höbs
Ten zesde: det ut belangriekste bal veur noew aeve het vastelaovesbal is
Ten zevende: det alle veurgéngers en vierders waereldkampioene zeen
Ten achtste: det der flingk tied gerék moog waere
Ten negende: det eeder veurdeil nooit ein naodeil is
Ten teende: det de belangriekste regel is det veer blieve knalle
toet de létste fluit klinke duit
Ten ellefde: det geer as geer mich taegekomp
miene liefsjpreuk mót rope, zégke of oetbeelde:
‘Aeve neet balle
maar knalle!!’
Landon, dae veural as mascotte ós gruupke kompleet maak!
Mit mien éljers bin ich al vreug tiedes de vastelaovend mitgesjleip nao allerlei
evenemente, woh door ich al sjnel waerde geinfekteerd door ut Vastelaovesvirus.
Ut hele sjpeel en het verkleije vinj ich gét prachtigs, maar mit ut danse, zinge en
sjpringe waert ut pas éch ein fees!!
Same mit ós gezin gaeve veer dan auch duchtig gaas en make veer der gaer ein
party van. Pap is ein bietje gek (zégk maar leever wie ein raad) en mam duit dees
daag dan maar net alsof zie det auch is… meer dan ins heure mien broor en ich
de opmerking: ‘van boete precies mam, maar van binne net zo maf as pap…!’
Dus eigenlijk is ut veur mich heel mékkelik gezag, det ich der dus verder auch
nieks aan kin doon.
Ich voetbal al sinds mien viefde biej Leeve, woh ich nog sjteeds väöl plezeer in
höb. Mit ein bietje zón en dreug waer, bin ich dus meistal boete mit miene bal aan
de sjlaag. Naeve voetbal as mien grootste passie bin ich eine échte dierevrundj en
altied gaer bezig mit mien beesjes Veer höbbe driej huunj, twee knien, eine vogel
(eine échte dan, want dae van miene pap tel ich neet mit). En rondjóm ós hoes
zelfs auch nog ontzettend väöl veldjmuuskes. En om te veurkómme det ich mich
vervael, sjpeel ich ich auch nog gaer mit mien vrunj óppe Nintendo Switch same
ein pötje Fort-Knight, Mario-kart of Roblox. Eigenlijk dus geweun eine Remunjse
jong oet deze tied.
In 2021 waerde ich door miene voetbalvrundj Jayando gevraog as Adjudant
biej de Donderböl, maar helaas ging det in det jaor nog neet door.
Veurig seizoen 2023 ginge veer dan toch van sjtart en höb ich veur de eerste keer
aan het vastelaovendsjpeel van dichbie moge ruuke en al ein bietje mit kinne doon.
De tied veur het oetroope en het leedje inzinge, vónj ich al geweldig. Ich höb ein
fantasties seizoen gehad as Adjudant en det sjmaakte bes waal nao meer. Ein sjoon
begin van mien eerste sjtépkes in het Vastelaovendsverenigingslaeve.
En toet mien verrassing bleek auch al sjnel det de Veldjmuus mich op de korrel
haaje veur het Prinssjap in dit jaor. Sjpannend vónj ich ut waal, want opins bin ich
dan de Prins…en sjtaon ich neet meer aan de zielien maar mót ich veurop
gaon! Same mit de Veldjmuus de veurbereidinge doon, mit mam en pap
planne make, sjpreuk make, mien adjudante vraoge, pékskes veur ederein
regele en netuurlik het leedje bedingke en inzinge…
Drök wie eine grote miens!
Op ut moment, det ich dit sjrief höbbe veer nog ein
paar waeke te gaon… de sjpeldjes zeen net binne en
erg sjiek gewaore.
Mam is volop bezig mit ós pékskes. Same mit pap
de Proklemasie gemaak, weer ein paar puntjes
geregeld! Moandig mótte veer weer gaon passe.
Grootvors Dré is net de deur oet en Michael
Kerkvliet haet ós weer good biegesjtange in alle
oetdaginge.
Miene sjpreuk haet ein bietje gét mit mien
hobby te doon, maar ich wil der veural mit
zégke, det veer mit dees daag ff alles aan
de kantj mótte zitte en volop mótte
geneete! Same vol gaas draan en der
ein sjoon feesje van make!
Prins Dean II begint sjteeds meer
te laeve hiej óppe Eindsjtraot in
Remunj.
De Elfde van de Elfde
kump langszaam maar zeker
dichterbiej…
en dan winse veer ós weer:
Eine sjoone Vastelaovend same!!
biej grasiej van ut presidium