19
Beste Veldjmuus,
Ich bin gek op vastelaovend. Ein jaor langk
waas ich ‘Verkwekkerd’ op vastelaovend.
Ich móch de Veldjmuus veurgaon as prins.
Eine kienjerdruim kwaam oet.
Eine fantastische tied höb ich mitgemaak
en ich bin trots en dankbaar det ich dees
prachtige vereniging veur höb moge gaon.
Ich höb genaote van ut begin toet ut einde
en zou ut zo weer euver wille doon.
Veldjmuus geer zórgde veur ein constante
wérme ontvangs. Eine biejzönjere dank geit
oet nao mien adjudante, nao wienkeuningin
Daphne en häör gevolg en nao jeugprins Dean
en ziene adjudant.
Zónger ut presidium, raod van ellef, dansgarde,
veldjwachters en heel zeker de moezemaedjes
kin geine eine veurgénger sjtraole.
Allemaol van hérte dank.
Uche aadprins Wesley.
Mien Fees,
Waas Auch
Dien Fees!
Door de corona sjting mien jeugprinssjap
aeve in de wachsjtandj maar det haet ut
fees zeker neet minder gemaak.
Mit mien oetrope kwaam auch mien broor
Dylan veur de eerste keer as jeugvórs in
beeld en det maakte ut ekstra leuk.
Same besjproke veer ut ganse sjpeel. In
eder geval waas mien prinssjap in alle
opzichte biejzönjer. Mit miene kammeraod
Nic as adjudant lete veer ós euveral
zeen. Ut oetrope, de resepsiej en auch de
optóch ware waal hoogtepunte. Same mit
Nic greuide veer in ós rol en genote veer
der volop van. Wienkeuningin Daphne,
prins Wesley en häör gevolg gove ós de
ruumte zodet ‘Mien fees, dien fees’ vol
toet zien réch kwaam.
Ich dank dan auch ederein diej van dit
fees gét biejzönjers höbbe gemaak. De
Veldjwachters, dansgardes, raod van
ellef, moezemaedjes en veural mien mam
en miene pap. Auch de oma’s en opa’s wil
ich zeker neet vergaete.
Bedank veur alles,
Uche Aad-Jeugprins
Dean de eerste.
Auch names adjudant Nic.
Leef
Moezefamilie,
Bedank veur de prachtige belaevenis waat ich
hub mooge mitmaake biej uch!
Waat waas ut un eer om uch 2 jaor lank veur te
gaon as uch Wienkeuningin.
Wienkeuningin zeen waas unne druim waat veur
mich oet kwaam en det zal ich nooit vergaete.
En veer veulde ós as unne vis in ut water biej uch.
Saame mit Bianca, Melanie en alle angere veurgéngers
höbbe veer mooie herinneringe gemaakt
veur ut leave.
Veer hubbe saame mit Prins Wesley, Prins Dean en heur gezelsjap mit volle teuge
genaote.
Ich wins Wienkeuningin Chantal, Prins Sonny II en Prins Dean II un prachtig seizoen
toe en geneet der veural van.
Aad Wienkeuningin Daphne 2022/2023
Secondantes Bianca en Melanie